आंतरराष्ट्रीय महिला दिन

दरवर्षी ८ मार्च रोजी येणारा दिवस जागतिक महिला दिवस या नावाने साजरा केला जातो. या निमित्ताने वैशिष्टयपूर्ण कामगिरी करणा-या वेगवेगळ्या क्षेत्रातल्या महिलांचा वेगवेगळ्या पातळीवर सन्मान केला जातो. आजकाल मिडीयाच्या एखाद्या चावून चोथा होईपर्यंत घटना दाखवत राहाण्याच्या वृत्तीमुळे हा दिवस प्रत्येक घरातल्या लहानथोरालाही माहित झालेला आहे. मग आईकरता, बायकोकरता, बहिणीकरता, मुलीकरता…त्यांना खूश करण्याकरता काहीतरी करावे या हेतूने बराचसा पुरूषवर्ग ह्या एका दिवशी झटतो. थोडक्यात या एका दिवशी निदान मुंबईसारख्या मोठ्या शहरात महिलांकरता तो एक बैल पोळा असतो. बैलपोळ्याच्या दिवशी नाही का बैलाला सजवतात..त्या दिवशी त्याला कामाला लावत नाहीत. तसाच काहीसा हा प्रकार. पण हा फक्त एकच दिवस…एरवीचं काय ? मला विरोपातून आलेला एक लेख आणि महिलादिनाचं औचित्य साधून दैनिक सकाळ ने काही कविता प्रकाशित केल्या आहेत. मला आवडलेल्या चार कविता वाचा आणि पहा काही उकल होते का ?