माझ्या १० वर्षाच्या लेकाची चित्र तुम्ही या पूर्वी पाहिली असतीलच. कालच काढलेलं हे एक नवीन ताजं चित्र. आता ही बया कोण मला माहीत नाही…..कारण त्याने ते पुस्तकात पाहून काढायचा प्रयत्न केलाय. पहा कसा काय जमलाय !

वर्षभर खूप अभ्यास (?) करून आता सुट्टीत खूप धमाल करायची असं सगळ्या बालदोस्तांनी ठरवलेलं असेलचं. माझ्या लहानपणी शेवटचा पेपर देऊन आले की पहिलं काम मी लायब्ररीत जाऊन सुट्टीच्या २ महिन्यांकरता लायब्ररी लावायचे करायचे. त्याकरता किती तरी आधीपासून फिल्डींग लावलेली असायची. वडीलांना विचारायची सोय नसायचीच म्हणून आईकडून मध्यस्ती केली जायची. त्यांनी घातलेल्या सगळ्या अटी मान्य कराव्या लागायच्या. त्यात प्रामुख्याने आईला मदत म्हणून आणि एरवी अभ्यासाच्या नावाखाली न केली जाणारी कामं करायची अट, झालंच तर जुन्या पुस्तकांची रद्दी काढणे, वह्यांच्या उरलेल्या को-या पानांची रफ वापराकरता वही बाइंड करणे, सगळे कप्पे आवरणे, नविन इयत्तेची मैत्रीणीकडून जुनी पुस्तके आणून त्या वर्षाचा अभ्यास सुरूवातीला उत्साहाने चालू करणे ही आणि अशी अनेक फुटकळ कामं करायची अट मान्य करावीचं लागे. पण वाचनाची इतकी आवड होती की त्या एका आवडीकरता तितकी बलिदानं द्यायची तयारीही होती. त्यामानाने आजची पिढी सुदैवीच म्हणायला हवी. त्यांनी काही मागायची खोटी की सगळं काही हातात मिळतंय..किंबहुना मागयचीही गरज लागत नाहीये. अर्थात न मागता मिळणारी आजची ऎदी पिढी सुदैवी की मागूनही ब-याचदा न मिळणारी आमची कींवा आमच्या आधीची पिढी सुदैवी हे काळच ठरवेल. हा तंटा मात्र पिढीजात चालूच राहील.

तर माझ्या वाचनाची आवड असणा-या काही बालदोस्तांकरता सकाळ बालमित्रची ही महाजालीय आवृत्ती इथे देत आहे.

शंका समाधान, विनोद, अक्षरांतून चित्रे

कोडी, चित्रे, हस्तकला, गोष्टी

]]> http://majhimarathi.wordpress.com/2008/04/15/%e0%a4%ac%e0%a4%be%e0%a4%b2%e0%a4%a6%e0%a5%8b%e0%a4%b8%e0%a5%8d%e0%a4%a4/feed/ माझी दुनिया http://majhimarathi.wordpress.com/2008/04/15/%e0%a4%97%e0%a5%85%e0%a4%b2%e0%a4%b0%e0%a5%80-%e0%a4%ac%e0%a4%be%e0%a4%97-%e0%a4%95%e0%a4%be%e0%a4%9a%e0%a5%87%e0%a4%a4%e0%a4%b2%e0%a5%80-%e0%a4%ac%e0%a4%be%e0%a4%97-%e0%a4%86%e0%a4%a3%e0%a4%bf/ http://majhimarathi.wordpress.com/2008/04/15/%e0%a4%97%e0%a5%85%e0%a4%b2%e0%a4%b0%e0%a5%80-%e0%a4%ac%e0%a4%be%e0%a4%97-%e0%a4%95%e0%a4%be%e0%a4%9a%e0%a5%87%e0%a4%a4%e0%a4%b2%e0%a5%80-%e0%a4%ac%e0%a4%be%e0%a4%97-%e0%a4%86%e0%a4%a3%e0%a4%bf/#comments Tue, 15 Apr 2008 08:05:39 +0000 माझी दुनिया http://majhimarathi.wordpress.com/2008/04/15/%e0%a4%97%e0%a5%85%e0%a4%b2%e0%a4%b0%e0%a5%80-%e0%a4%ac%e0%a4%be%e0%a4%97-%e0%a4%95%e0%a4%be%e0%a4%9a%e0%a5%87%e0%a4%a4%e0%a4%b2%e0%a5%80-%e0%a4%ac%e0%a4%be%e0%a4%97-%e0%a4%86%e0%a4%a3%e0%a4%bf/

मिनिएचर गार्डनमध्ये डिश किंवा ट्रे गार्डनप्रमाणेच अजून नजाकतीचा व सुंदर प्रकार म्हणजे टेरारियम. काचेतल्या हंडीत केलेली ही छोटीशी बाग कौशल्याचे काम असले, तरीही जास्त आकर्षक व टिकाऊही आहे. ……काचेतली बाग

सारवलेलं पिवळधमक अंगण, तिथं असलेलं तुळशीवृंदावन, आजूबाजूची फुलझाडं अशा परसबागेचं चित्र आपल्या प्रत्येकाच्याच मनात असतं; परंतु आता काळ बदलला. शहरात फ्लॅट संस्कृती आली आणि परसबागेची जागा गॅलरीनं घेतली. ……गॅलरी बाग

“रेनवॉटर हार्वेस्टींग” ही संकल्पना भारतात प्राचीन काळापासून अस्तित्वात आहे. त्याचे अनेक नमुने काश्मीरपासून कन्याकुमारीपर्यंत बघायला मिळतात. बुंदेला चौक, तालाब, कुल, बावडी, कुंड, तलाई अश्या अनेक नावानी दिसतात……रेनवॉटर हार्वेस्टींग

आत्ताशी चैत्र सुरू झालाय. अजून वैशाख वणवा यायचाय. माणसाने गैरवापर करून लुटलेला निसर्ग माणसाला याची पुरेपूर कींमत मोजायला लावणार. गेली काही वर्ष महाराष्ट्र पुराने हैराण झालाय. थंडीने तर गेल्या वर्षी मुंबईतला नीचांक गाठला होता. ८० च्या घरातल्या माणसांनी सुध्दा निसर्गाचे हे रौद्र रूप यापूर्वी कधी न पाहील्याच छातीठोकपणे सांगितलं. या पार्श्वभूमीवर येणार उन्हाळा किती तलखी निर्माण करतोय माहीत नाही. पण त्यापासून वाचण्याकरता खास तज्ञांचे मार्गदर्शन लाभलेले ; वाचनात आलेले हे काही लेख.

फलाहारी उन्हाळा

उन्हाळ्याशी सामना

उन्हाळ्याच्या तडाख्यापासून वाचवा मुलांना

उन्हाळी फळे आणि आपले आरोग्य

डॉक्टर मी काय पिऊ ?

जानेवारीचे लेख यापुर्वीच दिले आहे. या भागात फेब्रुवारी आणि मार्च २००८ चे अंक देत आहे.

हास्यरंग - फेब्रवारी,२००८ आणि मार्च,२००८

बालरंग - फेब्रवारी,२००८ आणि मार्च,२००८

१ फुल २ हाफ - फेब्रवारी,२००८ आणि मार्च,२००८

शिर्षक वाचून आश्चर्य वाटलं असेल ना  ! की आहे तर मराठी पण अनेकवचन करताना विंग्रजीचा आधार लागावा ?

पण वाचकहो हे नाव आहे एका मराठी माणसाने चालू केलेल्या हेल्पलाइन सर्व्हिस उद्योगाचं. पूर्वी बलुतेदारी पध्दत अस्तित्वात होती हे आठवतयं ? म्हणजे गावात एकच शिंपी, एकच चांभार, एकच गवंडी अशी एका पेशाकरता एक एक च माणसं उपलब्ध असतं. थोडक्यात एका पेशाचा माणूस सगळ्या गावाची त्या कामापुरती गरज भागवायचा.  एखादे गाव वसवायचे झाले की १२ बलुतेदारांची निकड भासायची. तीच पध्दत ’बलुतेदार्स सेल्स ऍंड सर्विसेस’ च्या अनिल दळवी यांनी अवलंबली आहे. आज छोटी छोटी कामं करायला अनेकदा माणसं उपलब्ध नसतात. एकीकडे मराठी माणूस कष्टाला नाकरतो अशी ओरड होत असतानाच एका मराठी माणसानेच अश्या प्रकारे धंद्यात उतरून एक नवीन दिशा दाखवून दिली आहे. या सेवेमुळे ग्राहक आणि सेवा पुरवठादार यांना एकत्र आणण्याचा प्रयत्न चालू आहे. यात मराठी माणसाला प्राधान्य दिले जाणार आहे. अर्थात या अश्या प्रकारच्या अनेक सेवा सध्या कार्यरत आहेत. पण मराठी माणसाने ही उपलब्ध करून दिली असल्याने त्याचे विशेष कौतुक करावेसे वाटते. या सेवेबद्दल तुम्ही इथे वाचू शकता.

भारतीय वंशाच्या ’रॉबीन शर्मा’ यांचे हे पुस्तक मध्ये बरेच गाजले होते. सध्या मी तेच वाचतेय.

एक प्रथितयश वकील…यश…पैसा…मानमरातब यांच्या धुंदीत. त्यातून वैवाहीक अपयश. पण कामापुढे कसलीही तमा न बाळगता अथक मेंदू शिणवत असतो. एक दिवस कोर्टात केस लढवत असतानाच कोसळतो. डॉक्टर त्याला पेशा किंवा तब्येत असा पर्याय देतात. तिरीमिरीत येऊन किंवा ही एक आयुष्य जगायची संधी मानून तो सगळी संपत्ती विकून भारतात येऊन हिमालयात जाऊन राहातो. तिथल्या वर्षानुवर्षे वास्तव्य केलेल्या भिक्षुंपासून तो बरेच काही ज्ञान मिळवतो. मुळातच तल्लख बुध्दीचा हा वकील जे काही आत्मसात करतो..ते त्या भिक्षूंना दिलेल्या वचनाप्रमाणे आपल्या देशात येऊन आपल्या सारख्याच आयुष्याला जुंपून घेतलेल्या लोकांना द्यायचं ठरवतो.

अशी ही थोडक्यात कथा. पण याआधी नुकतंच त्यांचं ’हू विल क्राय व्हेन यू डाय ?’ या शिर्षकाचं पुस्तक वाचून झालं होतं. त्यामुळे यात वाचताना काही फार वेगळेपण जाणवलं नाही. व्यक्तिमत्व विकासाची जशी अनेक पुस्तकं आपण वाचतो त्यापैकीच एक म्हणता येईल. अर्थात त्यात त्यांनी ज्या काही छोट्या पण परीणामकारक युक्त्या सांगितल्या आहेत त्या थोडयाफार सगळेचजण सांगतात. शिवाय मी आधी म्हटल्याप्रमाणे आधीचं त्यांचं जे पुस्तक वाचलं होतं त्यात ह्या सगळ्या क्लृप्त्या साधारणपणे १०१ प्रकरणांतून नमूद केलेल्या आहेतच. पण काही काही युक्त्या खरोखरच परीणामकारक ठरतील असे वाटते. उदा. त्यांनी म्हटलेय की ’ऑपोझिशन थिंकिंग’ चा पर्याय नकारात्मक विचारांवर उत्तम आहे. आपल्या मनात एका वेळी एकच विचार येऊ शकतो. तो जर नकारात्मक असेल तर आपण आपलं मन नियंत्रित करून त्यात सकारात्मक विचार आणायचे.

तुम्ही हे पुस्तक जर वाचलं नसेल तर जरूर वाचा. एकदाच नाही तर नैराश्यातं असताना वाचंलत तर सकारत्मक बदल घडवायला हे नक्कीच उपयोगी पडेल. पण तुमच्याकडे हे पुस्तक नसेल तरी काळजी करू नका. इथे पहा मिळतंय का ? आणि व्हा सकारात्मक !

1. ९ मार्च २००८ च्या लोकसत्ताच्या रविवार वृत्तांत मधला तुषार खरात यांचा लेख वाचून इथे भेट देणा-या वाचकांचे स्वागत आहे.

2. ब्रम्हांडनायक या पृष्ठावरचे स्वामींचे फोटो आणि त्यावरची कविता वाचून ब-याच वाचकांनी ते फोटो आणि कविता पाठवायची विनंती केली. ज्यांना इच्छा आहे ते वाचक ही फाइल इथून उतरवून घेऊ शकतील.

3. तसेच ब-याच वाचकांनी मला विनोद, प्रेमकविता पाठवण्याचीही विनंती केली आहे. माझे गुगल रीडर मधले टॅगींगचे काम चालू आहेच. ते पूर्ण झाले की  तुम्हाला हव्या असलेल्या विषयांचं या ब्लॉगवरचं  आणि इतर ब्लॉग्जवरचं ही साहित्य तुम्हाला वाचता येईलच. तोपर्यंत हवे असल्यास या ब्लॉगकरता तुम्ही विरोपा ( ईमेल) ने लेख मिळण्याची सोय वापरू शकता.

मी नियमीतपणे जे ब्लॉग्ज, फोरम्स, ग्रुप्स वाचते त्यातली मला उपयुक्त वाटलेली माहिती मी मला चटकन सापडतील असे नाव (टॅग) देऊन संकलीत करते. पहा तुम्हालाही वाटते का उपयुक्त ? अजून काम पूर्ण न झाल्याने यात काही त्रुटी सापडतील…….तश्या आढळल्यास इथेच कळवा.

• विनोदी लेखन

• • हलकं-फुलकं
  • हास्यकविता
  • विनोदी
  • विनोद( महाराष्ट्र टाइम्स, सकाळ)
    
  • चिंटू (सकाळ प्रकाशन)
  • एसेमेस

• भटकंती
  • विदेश
  • भारत
  • महाराष्ट्र
  • मुंबईच्या जवळपास

• साहित्यप्रकार
  • कविता
  • प्रेमकविता
  • हास्यकविता
  • चारोळ्या
  • कथा
  • दिर्घकथा
  • कादंबरी