[ Saturday, August 25, 2007 02:34:50 am]

साहित्य : प्रत्येकी एक किसलेलं गाजर, बीट, काकडी, एक मोठा वाडगा ताजं गोड दही, एक चमचा साखर, चिमूटभर मीठ, चिमूटभर मिरपूड, फोडणीसाठी एक हिरवी मिरची, कढीपत्ता, जिरं. सजावटीसाठी कोथिंबीर, कांदा आणि टोमॅटोच्या चकत्या.

कृती : एका मोठ्या बाऊलमध्ये दही घेऊन ते चांगलं फेटावं. मग त्यात किसलेलं गाजर, बीट, काकडी, मीठ, साखर, मिरपूड घालून ते एकजीव करावं. हिरवी मिरची बारीक कापून त्यासह कढीपत्त्याची पाच-सहा पानं, पाव चमचा जिरं यांची फोडणी करावी. ती या मिश्रणात घालावी. त्यानंतर हे मिश्रण पुन्हा एकजीव करावं. सजावटीसाठी कोथिंबीर, कांदा आणि टोमॅटोच्या चकत्या वापराव्यात.

- सुप्रिया तेंडुलकर, बोरीवली