१ प्रतिक्रिया

श्री अन्नपूर्णादेवी स्तोत्र


॥ श्री अन्नपूर्णादेवी स्तोत्र ॥

नित्यानंदकरी वराभयकरी सौंदर्यरत्नाकरी । निर्धूताखिलघोरपावनकरी प्रत्यक्षमाहेश्वरी ।
प्रालेयाचलवंशपावनकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी॥१॥

नानारत्नविचित्रभूषणकरी हेमाम्बराडम्बरी । मुक्ताहारविलंबमानविलसद्‌वक्षोजकुंभांतरी ।
काश्मिरारूगवासिताड्‍गरूचिरेकाशीपुराधीश्वरी । भिक्षां देहि कृपावलंबनकरी मातान्नपूर्णेश्वरी॥२॥

योगनंदकरी रिपुक्षयकरी धर्मार्थनिष्ठाकरी । चंद्रार्कानाभासमानलहरी त्रैलोक्यरक्षाकरी ।
सर्वैश्वर्यसमस्तवांछितकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥३॥

कैलासाचलकंदरालयकरी गौरी उमाशंकरी । कौमारी निगमार्थगोचरकरी ओंकारबीजाक्षरी ।
मोक्षद्वारकपाटपाटनकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥४॥

दृश्यादृश्यप्रभूतवाहनकरी ब्रह्मांडभांडोदरी । लीलानाटकसूत्रभेदनकरी विज्ञानदीपांकुरी ।
श्रीविश्वेशमन: प्रसादनकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥५॥

उर्वीसर्वजनेश्वरी भगवती मातान्नपूर्णेश्वरी । वेणीनीलसमानकुंतलधरी नित्यान्नदानेश्वरी ।
सर्वानंदकरी सदाशुभकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥६॥

आदिक्षांतसमस्तवर्णनिकरी शंभोस्त्रीभावाकरी । काश्मिरात्रिजलेश्वरी त्रिनयनी नित्यांकुरा शर्वरी
कामाकांक्षकरी जनोदयकरी काशीपुराधीश्वरी। भिक्षां देहि कृपावलंबनकरी मातान्नपूर्णेश्वरी॥७॥

देवी सर्वविचित्ररत्नरुचिरा दाक्षायणी सुंदरी । वामा स्वादुपयोधरा प्रियकरी सौभाग्यमाहेश्वरी।
भक्ताभीष्टकरी दशाशुभहरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥८॥

चंद्रार्कानलकोटिकोटिसदृशी चंद्रांशुबिंबाधरी । चंद्रार्काग्निसमानकुंडलधरी चंद्रार्कवर्णेश्वरी ।
मालापुस्तकपाशसांकुशधरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥९॥

क्षत्रत्राणकरी महाभयहरी माता कृपासागरी । साक्षात्‍ मोक्षकरी सदाशिवकरी विश्वेश्वरी श्रीधरी
दक्षाक्रंदकरी निरामयकरी काशीपुराधीश्वरी । भिक्षां देहि कृपावलंबनकरी मातान्नपूर्णेश्वरी ॥१०॥

अन्नपूर्णे सदापूर्णे शंकरवल्लभे । ज्ञानवैराग्यसिद्‍ध्यर्थं भिक्षां देहि च पार्वति ॥११॥
माता च पार्वती देवी पिता देवो महेश्वर: । बांधवा: शिवभक्ताश्च स्वदेशो भुवनत्रयम्‌ ॥१२॥

इति श्रीमत्‌शंकराचार्यविरचितम्‌ अन्नपूर्णास्तोत्रं संपूर्णम्‍ ॥

About श्रेया

I am Blogger, Blogger Designing, Creating E books, Content writing etc. are my hobbies.

One comment on “श्री अन्नपूर्णादेवी स्तोत्र

  1. लहानपणी आईने घरी पाठ करुन घेतलेले हे स्तोत्र आज ब-याच वर्षांनी पुन्हा वाचायला मिळाले.. मनःपूर्वक धन्यवाद !!

तुमचा अभिप्राय नोंदवा

Fill in your details below or click an icon to log in:

WordPress.com Logo

You are commenting using your WordPress.com account. Log Out / बदल )

Twitter picture

You are commenting using your Twitter account. Log Out / बदल )

Facebook photo

You are commenting using your Facebook account. Log Out / बदल )

Google+ photo

You are commenting using your Google+ account. Log Out / बदल )

Connecting to %s

%d bloggers like this: